აუტიზმის პროგრამა ჩვენი ორგანიზაციის ბაზაზე 2016 წლის დეკემბერში ჩეხური არასამთავრობო ორგანიზაციის − „ჩეხეთის რესპუბლიკის კარიტასის“ − მხარდაჭერით ამოქმედდა. პროგრამის ფარგლებში ბავშვთან მუშაობა მიმდინარეობს ქცევითი თერაპიით (ABA), რომელიც ეფუძნება ქცევის გამოყენებითი ანალიზის პრინციპებს. ქცევითი თერაპევტები თელავის მერიის ფინანსური მხარდაჭერით ილიას სახელმწიფო უნივერსიტეტის ბავშვის განვითარების ინსტიტუტის ბაზაზე გადამზადნენ.
ბინაზე მოვლის პროგრამა განკუთვნილია 7-დან 18 წლამდე ასაკის მძიმე და ღრმა ფიზიკური და ინტელექტუალური შეზღუდული შესაძლებლობის მქონე ბავშვთათვის,რომლებიც ჯანმრთელობის არსებული მდგომარეობიდან გამომდინარე, საჭიროებენ სხვა პირის მუდმივ დახმარებას (ვერფლობენ თვითმოვლისა და დამოუკიდებელი ცხოვრებისთვის საჭირო ბაზისურ უნარებს) და შეუძლებელია/შეუსაბამოა მათი სკოლაში და/ან დღის ცენტრის მომსახურებაში ჩართვა.
დღის ცენტრის პროგრამას მულტიდისციპლინური გუნდი (ფსიქოლოგი, ფსიქიატრი, პედიატრი, ოკუპაციური თერაპევტი, არტთერაპევტი, სპეციალური განათლების პედაგოგი, ფიზიკური აღზრდის პედაგოგი) ახორციელებს. თითოეული ბავშვის სხვადასხვა სპეციალური ინსტრუმენტით შეფასების შემდეგ იქმნება ინდივიდუალური აბილიტაცია-რეაბილიტაციისა და საგანმანათლებლო გეგმები, რომლებიც ეფუძნება ბავშვის შესაძლებლობებსა და ინტერესებს. გეგმის შედგენის პროცესში მშობლებიც არიან ჩართული. ისინი სპეციალისტებისგან შესაბამის რეკომენდაციებს იღებენ.
