სოციალური რეაბილიტაციისა და ბავშვზე ზრუნვის სახელმწიფო  პროგრამის, დღის ცენტრების ქვეპროგრამა

ორგანიზაცია 2016 წელს დარეგისტრირდა დღის ცენტრების ქვეპროგრამის მიმწოდებლად.

დღის ცენტრი ემსახურება 6-დან 18 წლამდე ასაკის შეზღუდული შესაძლებლობის სტატუსის მქონე ბავშვებს.

 

ქვეპროგრამის ამოცანაა სამიზნე ჯგუფის ოჯახების მხარდაჭერა და მიტოვების პრევენცია.

 

მომსახურებაში შედის:

 

• ბენეფიციართათვის აკადემიური საჭიროებების გამოვლენა და მათი დაკმაყოფილება;
• ინკლუზიური განათლების ხელშეწყობა;
• საყოფაცხოვრებო და სახელობო-პროფესიული უნარ-ჩვევების განვითარების ხელშეწყობა;
• კულტურულ და სპორტულ-გამაჯანსაღებელ ღონისძიებებში ჩართვის უზრუნველყოფა;
• დროის სწორი ორგანიზების, ეფექტიანი კომუნიკაციის, არჩევანის გაკეთების, გადაწყვეტილების მიღების პროცესში მონაწილეობა და კონფლიქტების არაძალადობრივი გზით მოგვარების უნარ-ჩვევების სწავლება;
• ვერბალური / ალტერნატიული კომუნიკაციის განვითარების ხელშეწყობა;
• ბენეფიციარის დახმარება კვების, საპირფარეშოს, პირადი ჰიგიენის დაცვის პროცესში;
• ქცევითი დარღვევების შეფასება და ქცევის მართვის სპეციალიზებული გეგმის შემუშავება და განხორციელება;
• საჭიროების შემთხვევაში ამბულატორიული სამედიცინო და ფსიქოლოგიური მომსახურების ორგანიზება.

 

დღის ცენტრის პროგრამას მულტიდისციპლინური გუნდი (ფსიქოლოგი, ფსიქიატრი, პედიატრი, ოკუპაციური თერაპევტი, არტთერაპევტი, სპეციალური განათლების პედაგოგი, ფიზიკური აღზრდის პედაგოგი) ახორციელებს. თითოეული ბავშვის სხვადასხვა სპეციალური ინსტრუმენტით შეფასების შემდეგ იქმნება ინდივიდუალური აბილიტაცია-რეაბილიტაციისა და საგანმანათლებლო გეგმები, რომლებიც ეფუძნება ბავშვის შესაძლებლობებსა და ინტერესებს. გეგმის შედგენის პროცესში მშობლებიც არიან ჩართული. ისინი სპეციალისტებისგან შესაბამის რეკომენდაციებს იღებენ.

 

ცენტრი უზრუნველყოფს ბენეფიციართა ცენტრებში მიყვანასა და შინ დაბრუნებას, აგრეთვე

ორჯერად კვებას.

დღის ცენტრის მომსახურების მიღება შეუძლია შეზღუდული შესაძლებლობის მქონე 6-დან 18 წლამდე ასაკის  ბავშვს, რომელსაც პირველადი ჯანდაცვის ექიმისგან ან ვიწრო სპეციალისტისგან განსაზღვრული აქვს სერვისის საჭიროება. ჩარიცხვა ხორციელდება სოციალური მომსახურების სააგენტოს მიერ.

მომსახურების მიღება თელავში  შეუძლია 20 ბენეფიციარს. დღის ცენტრი ფუნქციონირებს ყოველდღიურად (შაბათ-კვირისა და უქმე დღეების გარდა). ბენეფიციართათვის ცენტრში გატარებული მინიმალური დრო 4 საათია.

 

დაინტერესების შემთხვევაში:

დაგვირეკეთ: 558937909	მოგვწერეთ:   info@gpida.ge
ეწვიეთ სოციალური სააგენტოს გვერდს: http://ssa.gov.ge/index.php?lang_id=GEO&sec_id=613	ეწვიეთ სოციალური სააგენტოს ტერიტორიულ ერთეულს: http://ssa.gov.ge/index.php?lang_id=GEO&sec_id=335